El Caudal Deportivu impónse al CD Colunga nun partíu con borrina y emoción en Mieres
Saul Villarin Mieres, 21 de setiembre de 2025 – L’Estadiu Eliseo Gutiérrez vivió una tarde intensa na tercera xornada de la Tercera RFEF, onde’l Caudal Deportivu llogró una trabayosa victoria ante’l CD Colunga nun duelu que nun dio tregua nin dientro nin fuera del campu, marcáu pola borrina y la emoción nes gradielles.
El partíu entamó con dominiu del conxuntu mierense, que avisó ceo con dellos corners peligrosos nos minutos 23 y 38. El CD Colunga, pola so parte, intentaba frenar les embestíes locales, viendo incluso la so primer tarjeta mariella nel minutu 17 pa Pedro. La tarde complicóse cuando, apenas pasada la primer decena de minutos, la borrina entamó a caer con fueria sobre’l Eliseo Gutiérrez, añadiendo un factor más de dificultá pa dambos equipos.
La recompensa pal Caudal llegó nel minutu 28, cuando Julio Delgado sacó un auténticu golazu de la chistera, unviando’l balón a la mismísima escuadra y desatando la euforia nes gradielles. Sicasí, el CD Colunga nun se rindió, y el so porteru, Pablo Díez, foi protagonista con un paradón espectacular que evitó un segundu gol local nel minutu 38.
Tres el descansu, el Caudal caltuvo la presión y alcontró otra vegada’l premiu nel minutu 60, cuando Montequín firmó’l segundu tanto pal conxuntu mierense. Un disparu certeru que sentenció’l duelu y punxo’l 2-0 definitivu nel marcador, dexando ensin opciones a un Colunga que, a pesar del esfuerciu, nun pudo frenar la superioridá local.
Con esta victoria, el Caudal Deportivu suma tres puntos clave que-y permiten siguir mirando a la parte alta de la tabla con ambición y confianza de cara a la próxima xornada.
Pues visitar el timeline completu del partíu en: https://formulaujo.online/?page_id=1275
Tres el alcuentru, Adrián González dexónos unes declaraciones:
About The Author
