El humor d’Agustín Jiménez llega al Auditoriu Teodoro Cuesta el 8 de deciembre.
Saul Villarin 
- Les entrades pa’l so espectáculu “Generacional” van poder comprase dende esti vienres 12 de setiembre, a les 10 hores, en giglon.com.
- Trátase d’una de les cites destacaes de la programación cultural del últimu cuatrimestre del añu, que va ser presentaes nos próximos díes.
MIERES, 10 de SETIEMBRE de 2025.- A la vuelta de les vacances d’estiu, l’Ayuntamientu de Mieres, al traviés de la conceyalía de Cultura que dirixe Nuria Ordóñez, ta yá cerrando la programación cultural pa’l últimu cuatrimestre del añu. Un programa que, como ye habitual, va llegar cargáu de cites onde la variedad y la calidá van ser protagonistas y nel que va haber de too y pa tos los gustos y edaes. Nos próximos díes va presentase la agenda cultural completa, pero güei, dende la conceyalía, ya s’anuncia una de les cites destacaes del cuatrimestre.
Va ser el próximu 8 de deciembre, nel Auditoriu Teodoro Cuesta, onde vamos poder disfrutar del humor d’Agustín Jiménez col so espectáculu “Generacional”. Él solo, col so micrófonu, trata too tipu de temas dende la so visión particular nun show onde tamién la improvisación tien un papel protagonista.
Talentu, comedia y audacia col que ye unu de los referentes del monólogu y del humor nel nuesu país, nuna cita onde les risaes tán asegurades. Les entrades pa “Generacional” van poder comprase dende esti vienres 12 de setiembre, a les 10 hores, en giglon.com.
About The Author
