Mieres entama un mercadillu de segunda mano nel marcu de la Selmana Europea de la Movilidá
Saul Villarin 
-
Pa poder usar unu de los 25 puestos que se van poner nesta actividá hai que facer la inscripción nel siguiente enllaz: Mercadillu de Segunda Mano. Selmana Europea de la Movilidá 2025. -Apertura plazo de solicitú de stand- Ayuntamientu de Mieres.
-
L’oxetivu d’esta cita, que se va celebrar el 20 de setiembre nel Parque Xovellanos, ye concienciar sobre la importancia de reutilizar y promover formes de consumu sostenible, dando un espaciu pa dar una segunda vida a lo que yá nun usamos.
-
Esi día tamién va haber dos talleres pa guajes y mozos onde van poder facer los sos propios estuches y carpetes reutilizando materiales.
MIERES, 10 de SETIEMBRE de 2025.- Ta llegando la Selmana Europea de la Movilidá y l’Ayuntamientu de Mieres, al traviés de la conceyalía de Mediu Ambiente que dirixe Teresa de la Fuente, ta yá ultimando’l programa d’actos pa concienciar y promocionar la movilidá sostenible, amás de potenciar l’usu del tresporte públicu, la bici y los desplazamientos a pie y, en xeneral, promover la sostenibilidá en tolos ámbitos de la vida diaria.
Con esti oxetivu ta cerrándose la programación d’actos, que yá tien dos cites marcaes nel calendariu pal sábadu 20 de setiembre. Un día nel que les conceyalíes de Mediu Ambiente, Comerciu y Mocedá y Infancia van entamar un mercadillu de segunda mano pa particulares. Una cita que quier concienciar sobre la importancia de reutilizar y promover formes de consumu sostenible, dando un espaciu pa lo que yá nun s’usa y que pueda tener una segunda vida.
El mercadillu, con 25 puestos —5 d’ellos reservaos pa mozos ente 16 y 30 años— va ponese nel Parque Xovellanos el sábadu 20 de setiembre, de 12 a 20 hores, y les persones interesaes en usar unu de los puestos yá pueden inscribise nel siguiente enllaz: Mercadillu de Segunda Mano. Selmana Europea de la Movilidá 2025. -Apertura plazo solicitú de stand- Ayuntamientu de Mieres.
Amás del mercadillu, esi día van entamase dos talleres nel Parque Xovellanos dirixíos a guajes y mozos que, baxo’l lema “Vuelta al cole de manera sostenible”, van permitir que los y les participantes creen los sos propios estuches y carpetes reutilizando materiales.
Va haber dos talleres separaos por edaes: de 11.30 a 13 hores el dirixíu a guajes de 5 a 10 años y de 17.30 a 19 hores pa mozos de 11 a 16 años. Pa inscribise nestos talleres ye necesario chamar al 985 46 62 62 en horariu de 9 a 14 hores.
About The Author
