El Conceyu de Mieres súmase a la celebración del Día de la Llingua Asturiana na Feria Internacional de Muestres d’Asturies (FIDMA) esti sábadu 15 d’agostu con un espectáculu de títeres de la mano d’Andrea Lobo. “Maruxa y Xuan. Aventures y desventures de la raposa y el llobu”, una obra basada na tradición asturiana con títeres y acompañamientu musical, va ponese n’escena nel stand de Mieres na FIDMA, a les 18 hores pal disfrute de les y los más peques.
Esta actividá enmárcase nel programa “Ca mes, un cuentu” que pón en marcha mientres el cursu la conceyalía d’Educación y Normalización Llingüística que dirixe Belén Alonso y que promociona’l asturianu ente la reciella, con teatru, cuentacuentos y títeres na Biblioteca de
Mieres. Esta iniciativa sumó nel pasáu añu escolar 500 participantes que pudieron disfrutar d’histories y aventures en asturianu nuna cita mensual que va volver nel cursu 26/27.
Pero enantes, esti próximu sábadu, “Maruxa y Xuan. Aventures y desventures de la raposa y el llobu” va llegar al stand de Mieres na FIDMA coles mires de sumase a la celebración del Día de la Llingua Asturiana qu’entama Iniciativa pol Asturianu.
About The Author
Deja una respuesta