Mieres rechaza las acusaciones de recortes en la Residencia Municipal
Saul Villarin 
Mieres ye ún de los pocos conceyos que tien residencia municipal pa persones mayores.
“La nuesa residencia nun solo cumple cola normativa vixente, sinón que la supera.
Nun se pue sembrar duldes sobre la calidá y l’atención que reciben les persones mayores que viven equí, nin xenerar alarma ensin fundamentu ente les sos families.
Respetamos les crítiques, pero nun podemos respetar les mentires”, señala’l equipu de Gobiernu.
Nesti sentíu, recuerden que los pliegos del nuevu contratu —yá axudicáu y en vigor dende’l 1 de xineru— supunxeron un aumentu de más de 600.000 euros nel presupuestu pa la so xestión. Estos pliegos aprobáronse nel Conseyu Rector por unanimidá.
Dende’l Gobiernu local señalen que na residencia hai un 20% más de personal del que esixe la normativa. Amás, foi reduciéndose’l númberu de residentes pa garantizar una atención más individualizada y aumentáronse les habitaciones individuales nun 30%.
Tamién se tomaron otres midíes pa reforzar la calidá del serviciu: más personal d’enfermería, créase la plaza de supervisora, garántizase una plantilla mínima en cada turnu y refuérzase’l personal de llimpieza.
Lo único que se fixo foi desactivar el refuerzu COVID, yá que la pandemia ta superada. De fechu, nenguna residencia d’Asturies caltuvo tanto tiempu estes places como la de Mieres. En cualquier casu, anque hai places que dexen de cubrise, esto namás afectó a una única trabayadora. El restu sigue prestando serviciu, al poder reorganizase la plantilla aprovechando situaciones d’escedencia o xubilaciones.
“Comprendemos el malestar de les persones afectaes, pero nun se pue poner en dulda la calidá nin los refuerzos de personal que se tán faciendo na residencia”, señala’l Gobiernu local, que dexa claro que nun puede respetar les mentires que se tán diciendo sobre una residencia que, amás, ufierta servicios que otres nun tienen: médicu, psicólogu y trabayadora social.
“Respetamos les movilizaciones, pero apelamos al rigor y la seriedá. Na residencia de Mieres nun hai recortes, supérase’l personal esixíu pola normativa y tán reforzándose servicios pa garantizar una mayor atención a les persones mayores que viven nella”.
About The Author
Gracies por mantenernos informados, y especialmente gracias por hacerlo en asturiano.
Si bien no sé escribirlo, sí lo entiendo y disfruto leyéndolo. Respeto el afán por preservar la cultura y la lengua.
Muchas gracias. Algo bueno entre tantos ataques siempre viene bien. Dentro de lo que puedo voy poniendo alguna en asturiano.